काठमाडौँ । टी-२० विश्वकप छनोट प्रतियोगिताको सेमिफाइनल खेलमा यूएईलाई हराउदै नेपाल विश्वकपमा छनोट भएको छ।

युएईले दिएको १३५ रनको लक्ष्य पछ्याउँदै जवाफी ब्याटिङ उत्रिएका नेपालले युएईलाई ८ विकेटले हराउदै विश्वकपमा छनोट भएको हो ।

नेपालले आगामी २०२४ को टी-२० विश्वकप खेल्न पाउनेछ ।

नेपालका लागी आरिफ शेखले ६३ रन, रोहित पौडेलले ३५ र गुल्सन झाले २२ रन, कुशल भुर्तेलले ११ रन बनाए।

जितसँगै नेपालले अब आइतबार हुने फाइनलमा ओमानसँग उपाधिका लागि भिडन्त गर्नेछ ।

एसियाली क्षेत्रबाट नेपाल र ओमान सन् २०२४ मा हुने विश्वकप खेल्न छनोट भएका छन् ।