काठमाडौँ । सहकारीको रकम हिनामिना र अपचलनबारे गठन गर्ने भनिएको संसदीय छानबिन समितिको कार्यादेशलाई अन्तिम रुप दिन आज कार्यदलको बैठक बस्दैछ ।
सहकारी ठगीबारे सरकार र प्रमुख प्रतिपक्षी दल नेपाली कांग्रेसबीच भएको सहमतिले आज औपचारिकता पाउने भएको छ ।
सोमबार साँझ दलहरुको बैठकले ७ सदस्यीय संसदीय छानबिन समिति बनाउने सहमति गरेको थियो ।
बैठक आज बिहान ११ बजे कानून, न्याय तथा संसदीय मामिला मन्त्रालयमा बस्नेछ । बैठकले कार्यादेशलाई अन्तिम रुप दिने बताइएको छ ।
समितिमा पाँच दलका प्रतिनिधि रहने समझदारी सोमबार नै भएको छ । जसमा एमाले र कांग्रेसबाट दुईरदुई जना, माओवादी, रास्वपा र राप्रपाबाट एकरएक जना रहने सहमति भएको छ ।
कार्यादेशलाई अन्तिम रुप दिइ हस्ताक्षर भएपछि मात्रै संसद खुल्ने भएकाले सहमति गरेर अघि बढ्ने बताइएको छ ।
उपप्रधान एवं गृहमन्त्री रवि लामिछानेमाथि सहकारी ठगी प्रकरणमा संसदीय छानबिन समिति बनाउनुपर्ने माग गर्दै संसद अवरोध गर्दै आएको छ ।
